“بالفيديو” جريمة تسميم الكلاب بمادة اللانيت السامة المحظورة عالمياً في بعبدات..

السفير نيوز – لبنان

كتبت غنى نحفاوي بلطجي على فايسبوك انه قد استفاقت امس بلدة بعبدات (المتن/جبل لبنان) على جريمة تسميم بمادة اللانيت السامة المحظورة عالمياً والمتاحة في هذا البلد “اللي معظم ناسه صاروا وحوش مغمّسة بالإجرام متل اجرين الدجاج اللي تغمّسوا باللانيت وتوزعوا بكل أحياء وشوارع بعبدات. عشر كلاب كانوا ضحايا لهالغدر القذر، البعض منهم نجي بفضل الله وجهود الدكتورة كريستينا والناس الطيبة اللي صاروا يلملموا هالكلاب ويركضوا فيهم لإنقاذهم، وناس طيبين متلهم ركضوا يلملموا اجرين دجاج لرفعها من الشارع وما تتسبب بقتل المزيد. تجمّع ما مقداره حوالي 2 كغ بقايا دجاج تم تأمينها اكيد من احدى محلات الدجاج بهالمنطقة! مجرمون، وللأسف بحسب بيان البلدية قال مجهولون! لك خلصنا بقا فشل واهمال! تسميم السنة الماضية شو كان كمان؟! لك شو هالمجهول الشبح كاسبر اللي ما في ولا بني آدم ب ولا بلدية عارف يكشفو؟؟! ما تبيعونا حكي! حكي ما تبيعونا! ابرموا ع محلات الدجاج وحققوا مين اشترى! انتو بلديات على شو؟ انتو بلديات شوارعها صارت عبارة عن مقابر لبعض الأحياء والكثير من الاموات!

واغرب شي ببيانات البلديات انو كلو copy/paste، كلو متفق مع كلو انو منرميها على “مجهول”! شو هالمجهول القبضاي اللي عامل منكم مسخرة يا بلديات!
أمّا شو أمن مُستتِبّ طالما السمّ عم يِترَشرَش، و ولا بلدية عم تعرف مين الفاعل !
وين الدوريات، وين شرطة البلدية، وين مكتب المراجعات التابع للبلدية ؟
ولكل مجرم عمبتستخدم اللانيت، نشالله بتلاقيها بأغلى ما عندك!
غضب الله كبير، وانتشار الامراض تنبيه للآتي الاعظم!”

برسم معالي وزير الزراعة اللي سبق واصدر بيان واعتبر فيه انو التسميم هو جريمة ضد الانسانية.

وايضا برسم Lebanese Internal Security Forces ونقيب البيطريين د. Ihab Chaaban المشكور على جهوده اكثر من مرة لمناقشة كيفية معالجة هذا الملف مع المعنيين.
وشكرا لمستشار وزير الزراعة، د. Abdallah Nasserddine على كل جهوده.